Ura e Brarit

Gjurma e parë e rrugës në fillim të Malësisë së Tiranës është Ura e Brarit në hyrje të Shkallës së Tujanit ku ndodhet Kalaja e Tujanit (antikiteti i vonë). Ura është ndërtuar vetëm nga një hark, në kyçin e të cilit kalldrëmi i urës ngrihet në formë kurrizi me pjerrësi nga të dyja anët. Duke kaluar mbi një grykë shkëmbore. Mbështetjet e harkut janë vendosur mbi brigje shkëmbore që lartësohen mjaft nga shtrati i lumit. Fazat e ndërtimit Ura ka kaluar disa faza ndërtimi:Si fazë e parë janë themelet me blloqe ranorë e gëlqerorë të ashpër me formë të rregullt e me madhësi 40 x 90 cm të lidhur me llaç prej rëre të ashpër. Faza e dytë i përket ndërtimit me gurë ranorë dhe harku i lidhur me llaç gëlqereje prej rëre të imët. Faza e tretë që mendohet të jetë e shek. XIX, është me gurë kave gëlqerorë prej llaçi të ashpër. Është shtruar me qëllim zbutjen e pjerrësisë së urës.