Mozaiku i Tiranës

Në vitin 1972 krejt rastësisht gjatë punimeve për ndërtimin e banesave u zbuluan konturet e një objekti të kohës së lashtë me një ambient me mozaik (në bllokun “Partizani”) të lagjes nr.9. Gërmimet u bënë nga një ekspeditë e përbashket e Insitutit të Monumenteve dhe Insitutit Arkeologjis ( sektori i arkrologjisë nën drejtimin e S. Anamalit). Gërmimet e para evidetuan pjesë muresh, fragmente tjegullash dhe enë qeramik, të cilat sipas autorëve i përkisnin një vendbanimi të thjeshë fshatarë të shek I m Kr. Në shekullin e III banesa e thjeshtë fshatare u zëvëndësua nga një kompleks godinash të cilat po ashtu kishin funksion bujqësore dhe më vonë u transformua në një kishë. Ndërtesa, me sallë qëndrore, që është me përmasa 15 x 8 m ishte e shtruar me mozaik me motive gjeometrike dhe florealë. Në veri të sallës qëndrore u zbuluan dhe dy mjedise me planimetri drejkëndëshe, kurse në jug përveç disa fragmente tullash, e tjegullash nuk u zbulua asnjë element tjetër arkitektonik. Më vonë duke u nisur nga ekzistenca e një abside në anën lindore kjo godinë është konsideruar si kishë paleokristjane.