KALAJA ISHËM

Kalaja ka formën e një katërkëndëshi këndrejt pak a shumë të rregullt me përmasa (100 x 40 m). Ajo është e ndërtuar mbi një kodër në lindje të fshatit Ishëm. Muret e kalasë ndjekin formën e terrenit por duke tentuar krijimin e linjave të drejta. Kalaja ka dy porta që qëndrojnë përball njëra-tjetrës. Porta kryesore është nga lindja ndërsa porta e dytë nga perëndimi. Të dy portat lidheshim midis tyre përmes një rrugice të shtruar me kalldrëm. Muret forcohen nga ndërtimi i pesë kullave të cilat me përjashtim të njërës kanë planimetri rrethore. Muret e kështjellës janë ndërtuar me gurë ranor, trashësia e tyre varion 1.5-1.2 m. Për të shtuar qëndrueshmërinë e mureve janë përdorur dhe brezat e drurit. Lartësia e mureve në pjesët e ruajtura shkon 5 m. Referuar burimeve të shkruara , kalaja u ndërtua në shek . XVI nga një feudal i quajtur Mehmet, për të mbrojtur territorin e sanxhakut të tij nga kryengritësit vendas.