KALAJA E ZIG XHAFAJT

Rrënojat e kalasë së Zig-Xhafaj ndodhen rreth 5 km në verilindje të qytetit të Kavajës në një kodër 239 m mbi nivelin e detit. Rrënojat e mureve rrethuese dëshmojnë se fortifikimi ishte rreth 100 m i gjerë dhe 440 m i gjatë rreth 4 ha. Muret janë ndërtuar me blloqe konglomerati dhe ranori të nxjerra në vend. Muratura është pseudoizodomike me blloqe të latuara në formë drejtkëndëshe dhe faqe të jashtme të rrafshëta. Evidentimi i tullave të shumta na lejon të mendojmë se muri vijonte me tulla mbi xokolin e gurtë. Kalaja e Zig-Xhafaj i përket periudhës qytetare ilire.