KALAJA E KRUJËS

Kjo kala me trajtë eliptike dhe me perimetër 804 m, zë një sipërfaqe prej 2.5 ha tokë dhe është ngritur në një kodër shkëmbore. Gërmimet arkeologjike të vitit 1978 dëshmojnë se kodra ka qenë e banuar që në shek e III p.e.r. ndërsa kalaja është ngritur në shek. V-VI e.r. Pranë saj është zbuluar një varrezë e madhe e kulturës arbërore. Përmendet me emrin e sotëm në shek e IX bashkë me qytetin e Krujës si qëndër peshkopale. Në shek XIII-XIV ishte qëndra e shtetit të Arbrit. Gjatë periudhës së Skëndërbeut u bë kryfortesa e qëndresës së shqiptarëve kundër pushtimit osman. Edhe në ditët e sotme njihet një ndër vendet me te njohura dhe me te vizituar nga turistet. Kalaja e Krujës është ndërtuar mbi një kreshtë shkëmbore, e cila me siluetën e saj monumentale ka ngjallur te banori krutan ndjenjën e sigurisë. Veç kësaj natyra e ka pajisur kreshtën shkëmbore me dy artere uji të pijshëm, një çështje aq jetike për një kala sa dhe pozita strategjike.