Kalaja e Dajtit

Kalaja ndodhet në shpatin perëndimorë të malit të Dajtit, mbi majë më të djadhtë të rrugës që të çon nga ish (ish-Kampi i Puntorëve). Kalaja ka një sipërfaqe prej 1.12 ha, dhe në pjesën më të madhe të saj ajo është mjaft e pjerrët. Faqja perëndimore e kodrës mbi të cilën është ndërtuar kalaja është më pak e pjerrët dhe kalon poshtë në një pjesë të sheshtë, kurse faqet veriperëndimore dhe lindore bien me një pjerrësi të madhe mbi dy përrenj malor. Muret kanë qënë të detyruar të ndjekin formën e kodrës, duke formuar një trekëndësh. Ato kanë një perimetër me rreth 550 m, muri verior ka gjatësi 150 m, lindori 190 m, ndërsa jugori 210 m. Pjesa veriore e fortifikimit që është dhe më e lartë veçohet prej një muri tërthorë duke krijuar dhe një farë akropoli të vogël rreth 25 x 20 m.