KALAJA E BASHTOVËS

Kalaja është ndërtuar në vitet 1467-1478 nga venecianët për ti bërë ballë inkursioneve turke. Ajo ka një planimetri drejtëkëndore me përmasa 90 m x 60 m. Në të katër qoshet dhe në mesin e saj ka nga një kullë. Lartësia maksimale e mureve shkon 9 m. Ajo është e rrethuar me mure që kanë trashësi 1 m. Kalaja përfaqëson një simbiozë të stilit arkitektonik të kalave evropiane të ndërthuar me atë osmane. Ajo ka vlera historike dhe arkitektonike të rralla për vendin tonë. Kështjella është prej guri dhe tulla , nga ana e brëndëshme muret janë ndërtuar me një sistem kontrafortesh në distancë prej tre metrash larg njëra-tjetrës. Bedenat e kështjellës janë të pajisura me frëngjij.