HAMAMI I VJETER NE KALA

Hamami i kalasë ndodhet në skajin jugperëndimor të kalasë, afër teqesë së Dollmës. Në siluetën e çatisë së hamamit theksohen tri kupola sferike. Ndërtuar në fundin e shekullit XV-të dhe fillimit të XVI-të. Në objekt janë kryer punime restaurimi në tre kohë të ndryshme. Në vitin 1966 hamami u pastrua nga dherat që e kishin mbulular krejtësisht çatinë e saj. Pastaj u plotësuan tamburet e kupolave dhe u mbulua me tjegulla krejt çatia e objektit. Në një kohë të dytë u kryen punime në ambiente ku u shtruan dyshemetë me zhavorr e përzierje dheu me pluhur tulle. Gjithashtu jashtë, gjatë murit gjatësor majtas hyrjes në hamam u krye drenazhimi, i cili pret ujërat që tentojnë t’i futen ambienteve nga kjo anë. Ne vitin 2015 eshte restauruar totalisht nga CWHB Ky objekt përbëhet nga katër ambiente. Ambienti i zhveshjes sot ruhet i zbuluar pa çati. Me shkallë prej këndej zbritet në ambientin ndërmjetës i cili djathtas ka gjurmë të një vaske. Më në thellësi janë dy ambientet e veçantë të larjes, të cilët kanë pasur nga një vaskë. Ambienti i djathtë komunikon me dritare me sterën e ujit. Stera furnizohet me ujë me anën e një dritareje të vogël në qoshen pranë pusit të sheshit. Në mes të sterës është vendi i kazanit të ujit, ndërsa në njërin skaj një kapërderdhës veçon ujin e ftohtë