ÇISTERNA MESJETARE

Durrësi furnizohej në shek. XIX jo vetëm përmes lumit Erzen por dhe nga burimet e ndryshme ujore që rridhnin përgjatë kodrave të tij. Një nga çisternat ujëmbledhëse është dhe ajo që ndodhet në shpinë të Muzeut të Dëshmorëve sot që i përket shek. XIX. Nga këtu uji shpërndahej në qytet përmes tubacioneve prej qeramike apo plumbi. Kjo çisternë përfaqëson një ndërtim interesant në llojin e vet. Përbëhet prej një volumi paralelopiped që mbulohet sipër prej një qemeri cilindrik. Në faqet e jashtëme të murit janë ndërtuar kontrafortë me gurë e breza tullash.