BANESË TIP VILË NË RR. “LEKË DUKAGJINI” NË KRAH TË STADIUMIT “Q.STAFA” (II-014)

Vila e marrë në shqyrtim është aktualisht pizzeri ERA. Bëhet fjalë për një objekt modern, ndërtuar si pjesë e planit urbanistik të “qytetit kopësht”. Vërehet funksioni primar, si ndërtesë banimi, ka ndryshuar me kalimin e kohës duke u kthyer së restorant. Në këtë objekt janë kryer rikonstruksione të ndryshme, si në fasadë edhe në planimetri. Meqënesë ndërtimi bën pjesë në të ashtuquajturin “qytet kopësht” duket se ka ngjashmëri arkitektonike si me vilat e zonës. Banesa është një objekt dy katësh, i projektuar në formë “L”. Në fasadë në variantin origjinal bazuar në projektin e skanuar, kjo vilë tregon për trajta racionaliste dhe të pastra. Ndërkohë që në ditët e sotme vjen e transformuar dhe me disa ambiente shtesë në funskion të shërbimit që zhvillohet aktualisht në të. Ky objekt nuk ruan element si dyer dritare origjinale.