Banesë tip vilë (3 kate)

Banesë tip vilë që i përket stilit të arkitekturës klasike, me cati me tjegulla dhe me dekorime gjithë andej. Një pjesë e saj përbëhet nga një llozhë në katin e dytë, ku ngjitesh nga një shkalle e harkuar. Lloza është e rrethuar me kollona dorike të harkuara të cilat mbajnë një kornizë të dekoruar. Ka volume mjaft të artikuluara dhe të pasura me detaje arkitktonike. Volumet e jashtme janë të suvatuara. Sot vila paraqitet mjaft e degraduar me suvatime të prishura dhe probleme në strukturë, përgjithësisht nuk ka ndërhyrje në fasadën e saj. Vila rrethohet nga një oborr në perimetrin e saj.