BANESA TIP VILË NË RR. “DËSHMORËT E 4 SHKURTIT”, BANKA BOTËRORE

Kjo ndërtesë ka qenë pjesë e një plani të madh për krijimin e një ansambli arkitekturor në këtë zonë të Tiranës. E projektuar nga arkitekt italian, gjë që dallohet në mënyrën e ndarjes së ambienteve të brendshme. Kati përdhe shërbente për ambientet e ditës, ndërsa kati i sipërm për ambientet e natës. Ka një lidhje tejet fluide në interier ku korridori dhe hyrja kryesore bëjnë shpërndarjen për në ambientet e ndërtesës. Ndërtesa është 2 kate me podrum (ku magazinohej druri dhe lavanderi). E rrethuar nga të katërt anët me oborr, kjo vilë ka një konceptim jo hermetik duke krijuar një lidhje fluide mes objektit në vetvete dhe oborrit përreth saj. Ka fasada me trajtim të thjeshtë, ku dallohen hapje relativisht të mëdha dhe me 1 ballkon në fasadën kryesore. Janë kombinuar në harmoni të plotë hapjet në formë drejtkëndore me ato në formë rrethore (që i japing një karakter tipik të arkitekturës italiane të asaj periudhe të aplikuar në Tiranë).