Banesa 66

Gërmimet arkeologjike të vitit 1978 dëshmojnë se kodra ka qenë e banuar që në shek e III p.e.r. ndërsa kalaja është ngritur në shek.V-VI e.r. Pranë saj është zbuluar një varrezë e madhe e kulturës arbërore.Përmendet me emrin e sotëm në shek e IX bashkë me qytetin e Krujës si qëndër peshkopale.Në shek XIII-XIV ishte qëndra e shtetit të Arbrit. Gjatë periudhës së Skëndërbeut u bë kryefortesa e qëndresës së shqiptarëve kundër pushtimit osman. Edhe në ditët e sotme njihet një ndër vendet më të njohura dhe më të vizituar nga turistët. Kjo banesë është nga tipet më të zhvilluara të banesave përreth kalasë. Ato janë të bashkuara dhe të ndërtuara që në fund të shek XIX ~ XX për dy familje, të destinuara për shtimin e kurorëve të reja, të ndërtuara të tilla nga themeli. Kjo tregon që familja patriakale ka filluar të ndahet sipas kurorëve në familje.